UNESCOrowlea Jjhtt
Ka wowlugol: Yunesco, nyoggal innde enngele United Nations Educational, Scientific and Cultural Organisation firiraande e faransi Organisation des Nations unies pour l'éducation, la science et la culture, si waylitaama e fulfude wona: fedde Ngenndiije Dentuɗe (moftondiral leyɗeele adunaaru ndun) wonande needi e ganndal e pinal.
UNESCO ko njuɓɓudi hertiindi e nder saccudi Ngenndiije Dentuɗe sincaandi nyannde 16 nuwambar (jolal) 1945. Nyiiɓirde mayre ko:
7/9, place de Fontenoy, 7e arrondissement Pari, Faransi.
Faandaare UNESCO ko: « [...] wallitaade tabintingol jam e kisal nder aduna on e dow ɓannindirgol leyɗeele aduna on wondude e needi, ganndal, pinal, yewtere, tawa ɗun ɗon fow ko fii semmbingol e winndere nden fow peewal, sariya, haqqeeji neɗɗanke, ndimaaku, ko aldaa e senndindirgol leƴƴi, debbo e gorko, ɗemngal maa diina, ɗin haqqeeji ɗi eeraango Ngenndiije Dentuɗe sellinani denndaangal jamaaji ɗin. »
Unesco no jokki golle mun ɗen e dow porgaraamuuji mawɗi jowi: needi, gannde, gannde wondiigu e neɗɗankaaku, pinal, yewtere e humpito.
Fewndo ɗoo (2008) UNESCO no mari leyɗe ɓii-feddeeje 193.
Hoolaaɓe kuuɓal UNESCO gila fedde nden sincaa wondude e iwdi maɓɓe:
- Julian Huxley, Laamateeri Renndundi/Inngila (1946–1948)
- Jaime Torres Bodet, Meksiko (1948–1952)
- John Wilkinson Taylor, Dawlaaji Rennduɗi (1952–1953)
- Luther Evans, Dawlaaji Rennduɗi (1953–1958)
- Vittorino Veronese, Italiya (1958–1961)
- René Maheu, Faransi (1961–1974)
- Ahmadu-Mahtar MBow, Senegal (1974–1987)
- Federico Mayor, Hispaanya (1987–1999)
- Koïchiro Matsuura, Japan (1999-2009)
- Irina Bokowa, Bulgaria (2009-2017)
- Audrey Azoulay, Faransi (koolaaɗo kuuɓal gila 2017 haa jooni)
