विठ्ठलराव कोरगांवकर Воварэвлfunнта
विठ्ठलराव कोरगांवकार
विशय सुची
- 1 जल्म
- 2 शिक्षण
- 3 काम
- 4 संदर्भ
जल्म[बदल]
विठ्ठलराव कोरगांवकार हो नामनेचो पेटीवादक.कोरगांव ताचो मूळ गांव.
शिक्षण[बदल]
तो ल्हान आसतना ताचे आवय-बापूय मेल्ल्यान कुटुंबाची जाबाबदारी ताचेर पडली.ल्हानपणांत कीर्तनां आयकून ताका संगीताची आवड निर्माण जाली.कुटुंबाच्या जबाबदारी ताचेर उदरनिर्वाहाखातीर तो मुंबय गेलो आनी पिरायेच्या धाव्या वर्सा ताणें पाटणकर संगीत मंडळीत प्रवेश केलो . थंय ताणें भागवत हाचेकडेन पेटयेचे मुळावें धडे घेतले. थंयच ताणें गावपाचो आनी पेटी वाजोवपाचो अभ्यास सुरु केलो . फुडें 1905 मेरेन भाचूभई भांडारे हाचेकडेन पेटयेचें फुडलें शिक्षण घेतलें .
काम[बदल]
1905 त,ताणें हुबळीतक स्वताचो वेवसाय सुरु केलो. ताचो उघेगधंदो जरी वाडत आशिल्लो तरी ताचे संगीत साधनेंत खंड पडलो ना. तो दिसाक स तास रियाज करतालो.अब्दुल करीमखाँ,वझबुवा,सवीईगंधर्व,सौ.हिराबाई बडोदेकर ,मास्टर कृष्णाराव अशे कितलेशेच नामनेचे कलाकार मुक्कामाक हुबळी हांगा तागेर रावतालो.1906 ते 1928 मेरेन ताका खाँ साहेब हाची तालीम मेळ्ळी .शास्त्रीविचार ,स्वरविलास आनी सौंदर्यदर्शन हाचें मार्गदर्शन ताका खाँसाहेबाकडल्यान मेळ्ळें.तेभायर पं.रामकृष्णबुवा वझे हाचेकडल्यानूय ताका मार्गदर्शन मेळत आशिल्लें.तशेंच अल्लादियाखांसाहेब ,पं.बाळकृष्णबुवा इचलकरंजीकर ,आग्रा घराण्याचे गायक ,गोरजान –मलकाजान सारक्या म्हान गायकांचे कलात्मकतेचो परिणाम ताचें संगीत साधनेचेर जालो .पूण 1935 त ताच्या धंघात खोट आयली आनी ताका हुबळीचो वेवसाय सोडून मूंबय येवंचें.पडले. थंय ताणें रुकिमणी संगीत विघालय सुरु केलें.हें विघालय चार वर्सां चल्लें.उपरांत झुजाचें परिस्थितीक लागून ,हेराप्रमाण विठ्ठलरावाकूय मूंबय सोडची पडली. उपरांत तो बेळगांवा स्थायिक जालो.आनी थंय ताणें विघालय सूरु केलें.आनंदाखातीर कमयिल्ली संगीतीक दैवतां.ताणें ह्या दोनूय कलाकारांची कला स्वताच्या अप्रतीम पेटी वाजोवपांत हाडपाचो चडांत चड यत्न केलो.विठ्ठरावाच्या कलात्मक यंशांचें हेंच मुखेल सूत्र आशिल्लें.हिज मास्टर्स व्हाँइस हे कपंनीन काडिल्ल्यो विठ्ठलरावाच्यो णव रिकोर्डी खूब लोकप्रिय जाल्यो.[1]
संदर्भ[बदल]
- ↑ भांगरभूंय दिसाळें