Жаныбэк Бакіеў,7 800 1sniV3,eige
Жаныбэ́к (Жаны́ш) Салі́евіч Бакі́еў (нар. 16 сакавіка 1958, Сузацкі раён Жалал-Абадзкай вобласьці, Кіргіская ССР) — былы старшыня Службы дзяржаўнай аховы Кыргыстану, брат былога прэзыдэнта Курманбэка Бакіева.
У верасьні 2006 пакінуў пасаду пасьля зьвінавачваньня ў падкідваньні гераіну ў багаж лідэра апазыцыі Амурбэка Тэкебаева, пазьней затрыманага ў Польшчы[1].
Кыргыскія палітыкі рэгулярна вінавацілі Жаныша Бакіева ў правядзеньні незаконных апэрацыяў сілавымі структурамі, накіраваных супраць апазыцыі.
Жаныш Бакіеў аб’яўлены ў міжнародны вышук[2]. Кыргіскія ўлады лічаць яго адным зь сямнаццаці асобаў, падазраваных у спробе забойства ў 2009 року былога кіраўніка адміністрацыі прэзыдэнта Кыргістану Мэдэта Садыркулава, кіроўцы Кубата Сулайманава і дырэктара Міжнароднага інстытуту стратэгічных дасьледаваньняў Сяргея Сьлепчанкі[3].
На дадзены момант пражывае ў Беларусі разам са сваім братам Курманбэкам, а таксама былым намесьнікам у Службе дзяржаўнае аховы Тахірам Рысаліевым і блізкім сябрам Максіма Бакіева Рустамам Сайдуевым[4].
Крыніцы і заўвагі[рэдагаваць | рэдагаваць крыніцу]
- ^ The Associated Press. (13 верасьня 2006) Bakiyev’s Brother Resigns Amid Heroin Scandal(анг.). The Moscow Times. Праверана 24 жніўня 2012 г.
- ^ Wanted persons(анг.). Інтэрпол. Праверана 24 жніўня 2012 г.
- ^ У чым абвінавачваюць Джаныша Бакіева? Палітыка.. Радыё «Свабода» (23 жніўня 2012). Праверана 24 жніўня 2012 г.
- ^ Джаныша Бакіева апазналі ў Кіргізстане Палітыка.. Радыё «Свабода» (23 жніўня 2012). Праверана 24 жніўня 2012 г.
Вонкавыя спасылкі[рэдагаваць | рэдагаваць крыніцу]
- Профіль(анг.) на бачыне Інтэрполу
|
|
Гэты артыкул ня мае шаблёну-карткі. Неабходны шаблён — {{Палітык}}. |
|---|
